Kultura digitala, Udako Eskola, Orona Ideo: sorkuntza teknologikoa garatzeko hezkuntza-tailerrak

2017/06/29
Hirugarren urtez jarrian, Kode Eskolak antolatuta, Orona Ideon kanpamentu teknologikoak egingo dira (lehen, Udalab Ideo izenez ezagutzen zirenak). 5-16 urte bitarteko haurrei zuzendua dago jolas- eta trebakuntza-proposamen hau, eta haren helburua gazteenek ordenagailuak programatzen ikastea da, nola funtzionatzen duten ulertzeko, eta, hala, behar bezala erabiltzen ikasteko. Kultura digitala proiektuaren udako eskola honen helburua ez da soilik ikasleengan zaletasun teknologiko bat sortzea; aitzitik, asmo zabalagoa dute, etorkizunean profesional guztiek jakin beharko baitute, gutxi-asko, programatzen. Ordenagailuak erabiltzen jakitea ez da nahikoa izango, eta programazioa hezkuntzako zeharkako elementu bilakatuko da, oinarrizko gaitasun, bere alderdi teknikoa edo alderdi soziala eta humanista gorabehera. Horregatik, programazioarekin oso gazterik asteko era bat eskaintzen du campus honek, objektu programagarriz beteriko mundu honetan bizitzeko funtsezkoak diren arauak ikasteko aukera izan dezaten.
Helburu hori betetzeko, urte osoan zehar, hiru campus teknologiko garatzen dira Orona Ideon: Gabonetako oporretan, neguko laborategia; Aste Santuan, laborategi teknologikoa, eta, azkenik, aipatzen ari garen udako laborategi honetan, sorkuntza garatu eta ongi pasatu. Campus teknologiko hau Kultura Digital@ programaren barruan dago, zeina Gipuzkoako Foru Aldundiko kultura sailak bultzatzen baitu, eta orobat daude programa horretan Udaleku Digital@, Hondarribian egingo dena ingelesez edo euskaraz programatzen ikasteko, eta autobus bat, ikasgela ibiltaria, programazioan hasteko doako tailerrak eskainiz Gipuzkoako zenbait udalerri zeharkatuko dituena. Datu praktikoak: Datak: 2017/07/03tik 2017/07/14ra Non: Orona Fundazioa Harremanetarako: KODE ESKOLA (info@kode-eskola.eus) Telefono-zenbakia: 943 000 333