Green event

Ekitaldiak antolatzeko Europako espaziorik berritzaileenetako bat, esku-eskura

Antola ezazu aurrenekoz zero ingurumen kostua izango duen enpresa ekitaldia.

Orona Ideo erreferentea da jasangarritasunari eta ongizateari dagokienez, eta etorkizuneko erronkei erantzun ahal izateko lan egiteko era berriak hartzeko sortu da.

Nola eman inpresio bikaina, inolako aztarnarik utzi gabe

Etorkizunean, enpresa guztiek ekitaldi bakoitzaren gastu energetikoa kontabilizatuko dute eta aztarna ekologikoa neurtzen ibiliko dira. Biharko egunean eredu ekonomiko jasangarria bultzatzeari begira betebehar izango dena, esperientzia berritzailea da gaur.

Horregatik, Orona Fundazioak, azpiegituren kudeatzaile gisa, hainbat neurritako 15 espazio eskaintzen ditu, ekitaldi mota guztietara egokituta (hitzaldiak, ikastaroak, aurkezpenak, lan-bilerak, erakusketak...) eta askotariko zerbitzuekin hornituta:

  • Egun osoz edo egun erdiz
  • Ikus-entzunezko ekipamenduak
  • Catering zerbitzua
  • Aparkalekua

Orona Ideoren azpiegitura

A Fundazioa eraikina

  • 8 areto (8-60 leku)
  • Auditoriuma (292 leku)
  • Ataria
  • Beheko solairua
  • Solairuartea
  • Balkoiak

B Zero eraikina

  • Auditoriuma (130 leku)

C Gallery eraikina

  • Askotariko erabilerarako espazioa (200 leku)
  • Aire zabaleko multimedia agertokia

ORONA IDEO

Etorkizunari aurrea hartzen dion ekosistema

Etorkizunean, hiriek minimizatu egingo dute ingurumenean duten inpaktua, iturri berriztagarrietatik sortutako energia-baliabideak erabiliko dituzte, eta haien karbono-aztarna zero izango da. Orona Ideok jokabide hori du dagoeneko.

  • Orona Fundazioa: berrikuntza-ekosistemaren dinamizatzailea
    Orona Fundazioa irabazi-asmorik gabeko erakundea da, eta Orona Ideo hezkuntzako, erakundeetako eta arlo sozioekonomikoko eragileen topaleku bihurtzea du helburu. Estrategia horretan kokatzen da Orona Ideo green event ekitaldietarako azpiegitura erreferente izateko xedea.
  • Jasangarritasunaren alorrean erreferente
    Orona Ideok nazioarteko jasangarritasun-arauen araberako urrezko LEED eta BREEAM Excellent ziurtagiriak lortu ditu. Bestalde, Breeam ES ziurtatzesistemaren berrikuntzako lehen puntu bikaina lortu du, eraikinak igogailu-sistema eta energia kudeatzeko teknologiarik berrienak biltzen dituen living lab bat direlako.

Jasangarritasunaren eta ingurumenaren aldeko konpromiso gorena

Energia termiko guztiz berriztagarria eta zero karbono-aztarna, energia geotermikoz, eguzki-energia termikoz eta biomasaz elikatutako district heating and cooling sistema bati esker.
Orona Zeroren estalki fotovoltaikoak urtean ekoizten duen energia 100 etxebizitzak baino gehiagok kontsumitzen dutenaren baliokidea da.
A energia-klasea du; eraikin batek izan dezakeen gorena.
Ur grisak birziklatzen ditu, komunetan erabiltzeko eta lorategiak ureztatzeko.
Estalki eta fatxada berdeek tokiko espezieen ekosistema naturalak irudikatzen dituzte.
Diseinu arkitektoniko bioklimatikoak eraikinen energiaeskaera murrizten du.
Material birziklatuz eta birziklagarriz egina dago eraikina.
Smart City kontzeptua. Azpiegiturak eta baliabideak modu adimentsuan kudeatzeko sistema du.