JAKIORO Otordu solidarioak, ekonomia zirkularra eta auzolana.

2020/12/02
Otordu solidarioak, ekonomia zirkularra eta auzolana.
Pandemiaren hasieran, konfinamendu fasean, HAZI Fundazioak alferrik galduko ziren lehen sektoreko lehengaiak aprobetxatzea proposatu zigun. Baserritarrek eta beste ekoizle batzuek ezin zituzten beren produktu guztiak jarri salgai HORECA kanala itxita zegoelako. HAZIk ondo ezagutzen gaitu, eta bazekien gure fidagarritasunaz; izan ere, duela 7 urte baino gehiago, Orona Fundazioaren bultzadarekin, Diámetro 200 elikadura-proiektua ezarri genuen. Proiektu horren bidez, gure langileak eta Orona Ideoko bisitariak elikatzen ditugu, tokiko, sasoiko eta, ahal denean, produktu organikoekin. Beraz, tokiko lehen sektorearekin modu sendoan lankidetzan arituz. Gure Elikagai, S.L. Oronako enpresa aliatua, Fede Pacha Goikoetxea buru duena, arduratu da hilabete hauetan lehengai horiekin menuak prestatzeaz. Menu horiek ekainera arte banatu ziren Gurutze Gorriaren bidez Euskal Autonomia Erkidegoko hiru hiriburuetan, eta ekainetik aurrera Gipuzkoan, Elikagaien Bankuaren bidez. Eredua, beraz, honako hau izan da: HAZI Fundazioak lehengaiak erosi dizkie ekoizleei. Orona Fundazioak Gure Elikagai, S.L.ren eskulana finantzatu du eta bere sukaldeak utzi ditu horretarako. Fede Pacha eta bere taldeak kalitate handiko menuak egiteko gaitasun osoa jarri dute, pertsona ahulenentzat. Proiektu honek bi aintzatespen ekarri dizkigu, lehena Bizkaian BBK Fundazioaren eta Deia egunkariaren eskutik, bigarrena Gipuzkoan, Gipuzkoako Foru Aldundiaren eta Gipuzkoako Elikagaien Bankuaren eskutik, azken horiek proposatuta. 2020ko apiriletik urrira bitartean, 220.000 razio baino gehiago egin ditugu. Pozik gaude, eta itxaropentsu gure gizarteak JAKIORO bezalako proiektuak gero eta gutxiago behar dituelako. Seinale ona litzateke.